Israel ram hi UN nih ram puitling a si tiah a pom piak cu a liam cia 1948 lawngah a si.Cu hnu hmanh ahcun nihin ni tiangah vawlei cung ram 28 nih Israel ram cu ram taktak ah an pom kho rih lo.Nihin ni tiang Israel le Palestine an buai pengnak khi ram sinak i cuh ruang ah a si peng.Palestine pawl nih Israel/Jews pawl hi ram an ngei bal lo kanmah Palestine kan vawlei tu hi an kan chuh mi a si an nih cu vawlei cung hmunkip in a ra mi an si tiah an ti peng hna.
Kan tlangtar chung leiah kan lut cang lai kan bia a sau.Israel ram hi Muslim ram tampi nih cun an huat taktak a bikin Arab ram chungah a um mi hna Muslim ram cheukhat nih cun Israel ram cu Vawlei ah a min a um lo hmanh hi an duh deuh cu tluk cun an huat.
Asinain Muslim ram tampi nih vawlei cung map in a min hloh hmanh an duh lioah Israel he nainiam tein rian a tuan mi Muslim ram paruk an um ve i,cu kong cu langhter ka duh mi cu a si.A liam cia 2020 in Muslim ram ramli hna nih cun Israel he i petlaihnak palai tha tein ngeih in rian an hun tuan thawk cang.
United Arab Emirates ram zong nih Israel ram cu a liam cia 2020 ahkhan lungtling tein cohlannak le pomnak a rak tuah cang bantuk in a tu lio zong ramkhat le ramkhat tha tein an i petlaih lio le an i dawt lio te a si.Phungning tein an i petlaih hnuah Israel cozah riantuantu Israel Minister of Culture a si mi Miri Regev zong Abu Dhabi a rak tlawn bal cang.Cu a rak tlawn lio ahcun donnak le conghlawmhnak tha taktak in an rak tuah piak i Israel ram hla zong an chuah piak.Cu lawng cu siloin UAE hruaitu lei nih Israel he i bawmh in Iran thlaknak khua tiang an khan ti tiah an rak chim pha.
Egypt ram-Egypt ram hi Israel ram he ram innpa an si nain kum caan saupi an karlak ah remnak a um kho bal lo ral zong an rak i tu pah lengmang mi Ui le Meheh bantukin aa rem lo taktak mi innpa an si.Gamal Abdel Nassar timi pa nih Egypt ram president a rak tuan lio ahhin Israel he i chon le biaruah hi a duh bak lo caah 1948 ah Israel le Egypt hi ral an rak tho.Cu hnu zong pehzulh in ral an tho lengmang i 1967 ah Niruk ral i tuknak ah Egypt cu Israel nih a rak tei. Muhammad Anwar el-Sadat cu Egypt ram hruaitu thar president a hun si i, kum 1977 ahEgypt President Muhammad Anwar el-Sadat cu Israel ram ah a lut.1979 kum Egypt ram nih phungning tein Israel ram cu rampui tling a si cang tiah a pom piak ve.Cu hnu ahcun ramkhat le ramkhat kar petlaihnak a fek i ram nih i bawmhin SiNai zongah vanlei raldohtinak an rak ngeih bal.Israel nih hin an ram chungah a chuak mi Gas pawl zong Egypt ram chungah supply a tuah len.
Jordan ram-Jordan ram zong hi Israel ram he ram innpa thiamthiam an si ko nain ui le meheh bang an rak i zoh mi le aa ral bak ve mi ram an si ve.1948 hnuin Egypt ram baktukin Israel he ral an rak i tu bal ve.1994 ah a hnu bik Jordan le Israel ral an rak tho i cu hnu ahcun Jordan nih Israel ram cu rampui tling a si tiah a pom/cohlannak a tuah ve hi a si.Israel ram a himnak ding caah Jordan ram hi a biapi taktak mi ram a si bantukin Israel ram chung chuak ti le economic vialte khi Jordan caah a biapi taktak mi an si ve.Cucaah ramhnih karlak i petlaihnak caah tiah 2020 ah ramhnih hnatlaknak agreement an ngei.Cu hnu ahcun Israel le Jordan cu an ram cung Vanlawng lam vialte an in hrawm hna i an hman ti hna.
Morocco ram-Morocco ram hi Muslim ram an si ve.A hlan ahcun Morocco ram nihhin Israel ram cu ram a si lo tiah a rak cohlan piak duh lo.Asinain 1994 hnu in Morocco ram zong nih Israel ram cu vawlei pi hmai le an hawi le Israel ram a huat ngai mi hna Muslim ram pawl hmaiah Israel cu rampui tling a si ve cang tiah a thanh ve hi a si.2020 hnu ahcun ramkhat le ramkhat an i pehtlaihnak a fek chin lengmang cang.2020 thiam ah Morocco ram nih Israel nih a sermi raldohnak Drone pathum cu a rak cawk colh.2023 ah Morocco ramah Israel ralkap IDF zong an rak kal i cawlcangh tinak an rak ngei bal.
Bahrain ram-Bahrain ram zong Israel ram he aa dawmi an si ve.Muslim ram thiamthiam a si nain Iran ram thlak duh zongah a si kho Israel ram he nainiam tein rian a tuanmi hna ram a si ve.
Azerbaijan ram-Azerbaijan ram hi Muslim ram thiamthiam a si ve ko nain Israel he aa dawmi ram a si ve.Azerbaijan ram hi Israel he an nunphung aa lo pahmi an si caah a si men lai Israel he nainiam tein rian an tuanti i Azerbaijan ram nih Israel a sermi ralhriam 1.6 Billion man zong 2012 ahkhan a rak cawk bal.Vawlei map in zoh ahcun Azerbaijan ram hi Iran ram he a nai mi innpa an si nain Israel tu he aa kommi ram a si.
Ara lai dingmi 2024 ahcun Saudi Arbia ram le Israel ram zong fek chinchin in le nainiam tein ramkhat le khat karah palai tiang hmangin i petlaih dingin timh tuahnak an ngei cuahmah nak kong Israel lei nih a chim ve.