Nihin ah TNLA an thawngzamh nih alanghter ningah cun Shan ramthen chaklei Namsan khuapi ah SAC ralhrang sakhan lian taktak mi cu TNLA nih an lak cang tiah a ti. Mah sakhan ah hmunkhuar hna hi Tatmah 101 an si. TNLA nih Dec 10 in an kah hna I Dec 15 zanlei suimilam 3:30pm tluk ah ralhrang sakhan cu an lak khawh tiah report nih alanghter. Ralhrang minung 60 an thi I ralhrang le an chungkhar a nung in tlaih mi hi minung 64 an si.
![](http://teachexclusive.com/wp-content/uploads/2023/12/t.jpg)
Ni 6 chung kahdohnak ah ralhrang nih Mi35 in voikhat, ART-42 voi 5,Jet Fighter voi 19 le Y12 in voi 5 bomb an thlak ruangah khuami minung 3 an thi. Namsan khuapi ah ralhrang a ummi hi tatmah 101 tangah khah-lah-yah le a dang zong an um rih hna. Ralhrang nih hriam ngan an kah hna pinah cunglei vanlawng in bomb a thlak tuk ko hna nain TNLA hi hnulei an kir lo. Pehtlaih in ni 6 chung an kah hna hnu ah Dec 5 zanlei ah ralhrang sakhan le meithal chiahnak hmunpi an lak khawh hi a si.
![](http://teachexclusive.com/wp-content/uploads/2023/12/7.jpg)