Donald Trump nih President Biden cu zeibantuk kong a si hmanh ah mipi hmaiah hmai tonh bakin debate tuah ka zuamcawh tiah Fox News ah a chim. Trump nih a peh chap than mi cu, Biden nih hin keimah he hmaitonh in debate hi a duh te lai ka zum lo tiah ati. Biden nih Trump he debate tuah ding le dinglo kong zeihmanh lehnak a tuahmi a um rih lo.
Kalay Ah SAC Ralkap Le Palik Nih Tualchung Mi Chekthlatnak An Tuah Hna= Sagaing ramṭhen, Kalaymyo ah SAC ralkap le palik nih tualchung mi hna cu chekhlatnak an tuah hna, tiah theih a si. Nizan February 21 zing suimilam 6 le tlawmpal ah Kalaymyo Tahan lei kap ah kahdohnak a chuah hnu in SAC ralkap le palik nih tualchung mi aa chawk mi hna cu chekhlatnak an tuah hna, tiah Kalaymyo um mi pakhat nih The Chin Post ah a chim.
February 21 zinglei in kahdohnak a chuak i suimilam pakhat tluk an i kah hnu ah SAC ralkap nih hriamngan chun nitlak ti awk in an kah. Leng zong ah kan chuak ngam lo. Leng a chuak mi hna tu cu SAC ralkap he an i ton ahcun an phone an chek hna, tiah a chim chap. Kalaymyo, Tahan le Hmunlai lei ah kahdohnak a chuak i cu kong he pehtlai in The Chin Post nih tualchung mi kan pehtlaih hna i thawng fiang an theih lo pin ah Kalay peng hrambunh hriamtlai phu cheukhat zong kan pehtlaih hna nain an phone pehtlaih khawh an si lo. TCP