Nihin ah Foxnews nih alanghter ning ahcun Ukraine ram hmun piapi taktak mi Avdiivka i Soviet-era Coke Plant cu Russia nih a lak cang tiah a ti. Hi hmun hi Russia nih thlakhat chung hrawng a tuk cang. Russia nih hriamnam lian in tanglei cunglei he a kah, Russia ralkap nih an kulh dih cang caah Ukraine ralkap nih cu hmun cu an chuah tak tiah a ti.
Ukraine president nih a chim ning ahcun, tutan Soviet-re coke plant kan sunghnak hi hriamnam lei chambau ruangah asi. US nih bawmh ding a timi hriam pawl kan sin phan sehlaw Russia nih an la kho hnga lo tiah a chim. Coke plant ahcun Russia nih Flag an thlai dih hna. Russia ralkap hna cu Putin nih thangthat conglawmhnak bia a cah hna. Coke plant kan lak cang tiah a ti.