Nihin April 13, zanlei 5 pm hrawng ah Saiha in Vawngtu lei a kalmi motor cu vanchiat ah accident a tong. Motor hi Lungbun le Bawinu tiva kar ah vanchiat a ton hi a si. Motor accident nak hmun ah Pu Mang Cung nunnak a liam. Pu Mang Cung nih hin fa 6 a ngeih hna i a fale hi ngakchia an si rih hna. Motor chungah a cuangmi passengers tam deuh cu hliam an tuar dih.
Accident atong mi hna cu Lungbun khua nih an lak hna i, hliamtuar lakah minung 4 Siaha siizung lei ah tlik pi colh an si. A thimi Pu Mang Cung ruak cu akhua Vawngtu ah tlunpi colh a si lai tiah thawng kan theih. Ngaihchiatnak a tongmi chungkhar Bawipa nih in hnem hram ko hna seh, cun, hliamtuar siizung kalmi vialte zong Bawipa nih damnak tlamtling in pe hram hna seh.