Kan kum a no le a can kha a biapi lo. Kum 20 minung zong khi 25 ah a nunnak liam seh law tar a si ko. Cun kum 50 minung zong khi kum 20 chung anun rih si cun mino te asi ko.”Age is just a number”, “kum cu number sawhsawh asi”.Nain a biapi mi cu, kum zeizah kan si chungah Bawipa dawtnak kum zeizah chung dah kan hngalh cang timi le Thlarau lei in teh ka tthang maw? Thlarau ah kum zeizah dah kan si timi kha a biapi deuh tiah ka ruah.
Kum 30, kum 40, kum 50, 60 tiang anung mi zong Bawipa dawtnak a thei lomi ai tampi i Kum 20 le 25 minung te hmanh kum 10 chung hna Bawipa dawtnak a thei cang mi an tam.Forhfial ka duhmi cu, kan taksa kum a tthan bangin Thlarau lei zongin tthang ve hna usih. kum 30, kum 40+ si ko nain hnuk din rih cu azoh aa dawh lo.Bawipa sin kan phak tik ah vawlei cungah Bawipa caah kan ttuanmi thil pakhat te tal i ken kho dingin i zuam ve hna usih. 25+ kan si cang cun thlarau tlau pakhat tal Bawipa sin ah kan put ding kha kan rian asi. Nain atu tiang ah hihi a tuah kho lomi kan tamtuk. Nain i zuam hna usih. Midang thlarau si ahau lo. Kan inn chungkhar lila ah thlarau tlau aa tamtuk.
Abiapi cem mi thil hi kan pawng te ah a um nain kan zoh duh tawn lo. Pathian nih kan caah a ttha loh a timi tu kan tuah. Hi deuh hi tuah akan timi zoh loin kaa dang le thildang le vawlei khi kan zoh, kan dawi tawn. Mah caah Thlarau lein kan tthang kho lo. Inn chungkhar zong kan hruai kho lo. Kan kum a canpi cang hnu zongah hnuk rumro kan ding peng.Nain Bawipa veel thawngin caan kan ngei rih. Atu lio te hi caan ttha asi. Nifatin kan Thlarau tthanter hna usih. Nifatin Bawipa hngalhnak le naih deuhnak in tthang hna usih.
Bawipa nih aka ser can hi zeidah asi timi zong ruat tthan hna usih. Vawlei ah a sunparnak langhter te midang zong Amah dawtnak an theih khawh ve nak hnga TALENT akan pek mi in siseh, Thlarau laksawng akan pekmi hmangin, Amah asunparnak langhter le thlarau tlau tlaih kha Bawipa nih akan ser can cu asi rua tiah ka ZUMH. Le, asi taktak ko! Hi thil ti khawhnak hi Pathian nih akan pek ciasa i kan mah tein thlacamnak in kan kawl ahau … Kei ka ngei i, nang zong na ngei ve! Vawlei aning piin kan CO zongah kan Thlarau kan sungh cun pakpalawng lawngte asi … Pathian tel lo le Pathian hngalh pi loin vawlei tamdeuh kan dawi i kan ngeih chung poah cu Thlarau lei in kan sung ti kha i fiang hna usih. Thazaang kan i laak khawh cionak hnga Bawipa nih thluachuah pe hramseh. FB ca ttial cu tling tein aa ttial kho lo nain Bawipa nih caan rem aser cun tling deuh tein ttial khawh kaa zuam tthan te lai.Ka lawm.
Bible verses: 1. Matthai 16: 26- Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo
2. Hebrew 5: 12-13- Nannih cu saya hmanh si awk nan si cang nain, Pathian bia cawnnak hmasa bik chimtu saya kha nan herh rih. Rawl taktak ei kha nan cu cang, sihmanhsehlaw caw hnuk ṭheo nan ding ko rih.Caw hnuk ṭheo aa rinh ko rihmi cu ngakchia an si ko rih i ahmaan le ahmaan lo kongah hngalhnak a ngei rih lomi an si.
3. 1 Johan 2: 15- Vawlei hi siseh, a chung thilri hi si hna seh, tlaihchan hna hlah u. Vawlei hi nan tlaihchan ahcun, Pathian dawtnak kha nan chungah a um lo.