CNA biachimnak nawlngeitu Pu Daniel Sakhong biachim atha kho taktak. Nihin ah AA nih kan Chinram chung Peletwa lei ah mipi fahnak an pek hna. Ngunkhuai tampi an kholh hna, Rakhine ca an cawnter hna, Chin miphun ka si an ti ahcun fak piin an hrem hna. Cu caah kannih cu AA he atangti kho ding kan si lo. Zeitintiah kan miphun a hrem cuahmah mi kan ralpa he kan tuanti ahcun thlanglei kan unau (AA nih ahrem cuahmah mi) an lungfak lai.
Cu caah tuanbia nih fiang tein alanghter ko caah AA he tanti cu a si kho lo.Kan miphun caah a tha tiah kan ruahmi poh cu kannih CNA/F nih cun kan tuah ko lai. Thil hmetuai ahcun kan theihthiam ko lai hna nain, thil pipa biapi miphun kong belte ahcun atha tiah kan timi cu kan tuah thluahmah ko lai. Cucu kan zulhphung ah a ummi a si. Laitui ah CNA le ZRA kahdohnak ah CNA pakhat nunnak a liam I ZRA 11 an thi ve. ZRA zong kanmah Chin miphun an si ve.
ZRA hi mizei nih dah hriamnam a pek ti ahcun Min Aung Hlaing nih a pekmi hna a si. Kan miphun caah tuan loin milem biami Min Aung Hlaing caah rian an tuanmi hi cu a poi taktak. Zeitlukin dah ningzak an si ti ahcun kan miphun caah tuan loin miphun dang mithat lainawng pa caah an tuanmi hi a si tiah a chim.