Moses Pau-Tedim le Hebru hna pahnih hi CNF/A- Chinland Council a hua i athangchiat pengmi an si. Nihin tiang CNA dohkalh in online biachim pengmi an si. CNA/F soiselnak bia an chim poh ah Pathian min an iput, bible itlaih in nihin tiang a au cecua mi hna an si.
Tutan ah fb kuang ah hmunkhat te ah bia an i ruahnak hmanthlak bantuk tete hmuh ding an um. Moses Pau zong nih bia a chim tikah Hebru chimmi cu video clip tete in a langhter ve lengmang. A fiang ko mi cu an lungput ruahnak le chim duhmi aa khat tinak a si.
Tingannyinaung Byuha Sakhan In SAC Ralkap Le An Chungkhar Minung 617 Nih Hriamnam An Chiah – Karen ramkulh, KNU Brigade 6 hmunram Tingannyinaung Byuha sakhan in ralbawi 67, an kuttang ralkap 410 le an chungkhar in SAC kuttang rianṭuan mi 617 nih an hriamnam an chiah kong Central KNU nih nihin April 6 zanlei ah phungning tein an thanh.
Tingannyinaung Byuha sakhan cu KNLA le ṭangṭi phu nih an laak hnu ah nichuah-thlanglei Division Headquaters kuttang um SAC ralbawi 67 le ralkap 410, an zate 477 nih hriamnam an chiah hnu ah nu palik 59 le ralkap chungkhar in minung 81, an zate 140 nih an hriamnam an chiah chap i an zate minung 617 nih an hriamnam an chiah, tiah theih a si. Tingannyinaung Byuha sakhan cu KNLA le ṭangṭi phu nih nizan April 5, zinglei suimilam 8:00 hrawng ah luhhnawh in an kah i chunhnu suimilam 1:00 ah sakhan cu a ningpi in an laak khawh.