Falam mipi nih kan ralrin tul zetmi- Tunai teah Ralhrang dohdingin chin ralkap pawlin tumtahnak tumpi thawn an canghvaih nak hmuahhmauh kan falam Media pawl hrekkhat nih Facebook Public ah nan post mi ka hmuh tik ah ka riahsia nasa. Chin le Chin unau theh kan si. ralhrang doh tu ciocio kan si theh tik ah CNA huatawknak thinlung nei in khavek thilkan tuah rero kha Pathian hna kan tla lo ding phan um zet.
CNO-CNDF hruaitu nih kan falam mipi zawn an ruat ngaingai maw tihi kan ruat ngaingai a tul. Ziang ruangah kan tilen Ralhrang neh ngaingai kan duh len kan doh a tulthlang. a caan kim thlangtuk. ziangah tuisun tiang kan doh lonak san a si kan fiang a tul. An mai i hruaitu pawl hlawknak le bulpak paisa ngahnak men a si ti kha fiangten ka sim thei. an mah hruaitu lak ah thinlung tha lo an um ruangah hivek dinhmun hi kan thleng si ko. kan falam hrangah tihnung um zet thil theng a awl tuk.
An politic hi a tha lo zet. ziangruangah ka simngam. an mah hruaitu hrekkhat tawn zingzan kan biakaw theo ih an lungkim lo nak in simtheo. hihi thaten kan rem sal lo le cu CNO CDNF hi kan kuai vivo ding. CNA CNF lam tla ka tanpi nak um lo. an policy ah soisel awk ding ka hmu lo. bulpak mi sual cu an um thei ko.Chinland Council tla an policy a that lo nak ka hmu lo. Chinram lungrual kan duhlen kan kawmawk a tul. Chinlnad Council Chinland Cozah kan tel ruangah CNF in Falam an uk lamlam lo ding. kan mah ten kan uk thotho ding.
Cucu ziangruangah kan duh lo. Cui ih a phi cu hruaitu pawl nih mah hlawknak hawl duh ruangleh paisa ngahnak duhruangah kan tel lo nak si ko. CNDF hruaitu pakhat nih Meeting khal ah a duhtu tla kan um theo nan a duh lo tu vote in an neh ringring ruangah a si a ti. Caan rei kan feh kan ka zum lo nikhat khat ah cun kan kuai ko ding ka zum tiah in sim..
A sunglam ah CNDF a dam lo tihi mipi in kan fiang loih riahsia um zet. hruaitu paisa ngahnak le hlawknak menah paisa kan khonsak hi mipi nih kan fiang lo theo. Salai Peter Thang tla cu tu ah taih inn ( Building ) tha taktak mak zia a sak rero lai in ti. cucu Salai Peter Thang cu dohthleng phah ah khoiah kuli alek ding. Mipi paisa kanneih lo sunte kanfa te hman rawl thawten pek siangloih paisa kan khonmi cu Hruaitu pawl nih inn thatha an sak rero si ko. midang hruaitu pawltla paisa an an ngah tamtuk zo ding an zum. kan Falam mipi pawl kan lungfim a tul thlang. hi tin in fehpi vivo a silen Chinram ah midang thawn buainak a sosang dingih thisen tampi tla a suak thei. riahsia um nasa.
CNO CNDF Hruaitu pawl tha ten khuaruat thlang uhlaw mipi tamsawn umkhawmnak ah kan kawm awk theinak dingah zaangfah kan lo dil hai. Thu tampi simding ka nei lai. a tul len ka phuang vivo lai ding.. Salai Biak Ceu Hlawnceu