Chinland Defense Force-Matupi Brigade 2 Nih Chinland Council An Dirpi. Chinland Defense Force-Matupi Brigade 2 nih Chinland Council an dirpi kong nizan May 14 ah cathanh an chuah. 2024 Febuary 23-25 tiang rak tuah mi CDF-Matupi a voithumnak meeting biachahnak bantuk in Vakok Battalion, Kaisi Battalion, Lisan Battalion le Ai-daak Battalion hna cu CDF-Matupi Brigade 2 in rak dirh a si.
![](http://teachexclusive.com/wp-content/uploads/2024/05/Screenshot_9-1.png)
2024 April 10-11 ah CDF-Matupi Brigade 2 riantuantu hna le upa hna tonpumhnak kan ngeih mi ah Brigade 2 phunghram kan ṭial khawh pinah CDF-Matupi Brigade 2 nih Chinram ramkhel dirhmun ah Matupi mizapi tamdeuh nih duh mi Chinland Council cu lungtling tein kan dirpi, tiah CDF-Matupi Brigade 2 nih cathanh ah an langhter.
![](http://teachexclusive.com/wp-content/uploads/2024/05/w-2.jpg)
CDF-Matupi cu ramchung ramleng mizapi bawmhnak thawng in uknak ṭhalo hrawh ding ah le miphun tlukruannak le mahte khuakhan lairelnak, a dikmi Federal ramkomh a chuah khawh nak ding caah dirh a si ni in nihin tiang ral a tu peng mi phu a si, tiah an cathanh ahcun an langhter chih. TCP