Mizoram khuapi Aizawl khuasa Pi V Lalhminthangi cu amah dawr VLH Variety Store timi chungah thah asi. Athattu hi Irene Lallawmzuali (34) w/o Lallungmuana, Ramthar North asi tiah fehter asi. Atang ah Mizo ca in tialmi ka vun thil chih-
Home Minister K Sapdanga chuan vlnimin(17.3.2024) Khan Aizawl SP Conference Hall-ah press conference neiin nimin zinga bazar-a a dawra thia hmuh V Lalhmingthangi, Tuikual South thattu ni ngeia hriat man a nih tawh thu a puang.
Home Minister thusawi kimchang : Nimin 17.3.2024 khan Pu Zothanmawia (64) Tuikual South veng chuan Aizawl Police Station-ah a nupui Pi V Lalhmingthangi, Aizawl New Market a VLH Variety Store neitu chu zan a a rawn haw loh report siam a tum laiin, a fapa in a nu Pi V Lalhmingthangi ruang chu a dawr chhungah thi in an hmuh thu a hrilh tih a sawi a.
Report dawn a nih velah hian Police leh Forensic team-te chu, ruang awmna dawrah kal ngalin,ngawrh takin hnu chhui tan nghal a ni a. A hmun a thil awmdan leh he thil thleng chhungchanga thu hriat nei awm angte statement atangin Police team hrang hrang insem darh chuan a titu ni ngei a rinhlelh Irene Lallawmzuali (34) w/o Lallungmuana, Ramthar North a cheng mek chu Zemabawk Dinthar veng a a thiannu in atang man nghal a ni.
Kan mi rinhlelh man kut atang hian tualthahna atan a hman ni ngei a lang, chemte leh tualthita thil neih ni ngei a lang engemawzat man tel a ni bawk. Kan mi rinhlelh in Police hma a a thusawi atang chuan ama tih ngei ni in a lang.
Pi V Lalhmingthangi ruang hi postmortem fel tawh a ni a, hnu chhui tur tam tak la awmte pawh, a tahtawl a, uluk tak a chhui zui leh vek tur a ni. Thiltisualtu in thhiamloh a chan ngei theih nan mipuiten theih tawp a Police-te hnuchuina min pui turin kan insawm a, hnuchuina ti thuanawp thei tur thil tilo turin kan in ngen a ni.
Aizawl PS-ah Case No 87/24 Dt 17.03.2024 u/s 302/201/380 IPC siam a ni.