CNA thithruainak in Bungzung ralhrang sakhan an kahnak kong thil sining vialte cu tling tein tuanvo ngeitu nih cathanh an chuah cang. Atanglei ah hin tling tein kan thil-
- Chinland Defense Force-Hakha, Chin National Army, Chinland Defense Force Thantlang le Chinland Defense Force-KKG hna bawm in Bungzung Sakhan laknak Operation Archuangtlang cu 2023 December 17-18 ah kan tuah.
- Bungzung hi tlangram le rawnram aa tonnak ah a ummi khua a si I ralhrang nih bo cung hmun li ah hmunhma an lak tikah kannih caah a tanglei hmunrawn in kai hnawh a hau I an sakhan hi lak ding ah a har ngaimi a si.
- 2023 December 17 zanlei suimilam 6 in drone in bomb thlak kan thok I zan khuadei bomb 270 tluk kan thlak hnawh hnu 2023 Dec 18 zinglei suimilam 9:30 in sakhan luhhnawh a si. Suimilam 10:30 ahcun Bungzung sakhan cu lak asi cang. Jet fighter a ra I bomb voi 4 a thlak nain zeihmanh a thahnem lo I cu lamcung ah a tla I a tlolh fawn.
- 2023 Dec.18 ah Hakha khuapi chung zong ah Operation Archuangtlang bawmhnak caah kahdohnak hmunhnih ah tuah chih a si.
- Bungzung sakhan ah ralhrang 8 an thi I a nung in 6 tlaih an si. Cun a zam khomi chungin 2023 Dec 20, ah Gangaw ah minung 17 an lut I 2 cu an thi. Cun 5 cu siizung ah an lut, 10 hrawng le an chungkhar pawl ramtang ah an tang rih.Kan dawi cuahmah lio hna a si. Cun Hakha khuachung kahdohnak ah ralhrang I a thi.
- Operation Archuangtlang ah ram le miphun caah nunnak a pemi CDF-Hakha ralkap salai Van Tha Ceu le salai Ram Bawi Lian hna cu upanak sang bik kan pek hna.
- Bungzung in ralhrang hriamnam lakmi biapi hna cu, 60mm 2 le kuan 46, G3-10, M16-1, Shortgun-1, MA3-2,MA4-1, Uzi-6,MA2-1 G4-2 Revolver 4, Pistol 1, le kuan tampi le adangdang an si.
- Ral kan teinak cu mizapi dirkamhnak le lungrual tein tantinak thawng in a si caah ngollo tein hmai nawr ti usih tiah kan in sawm hna.