Matupi peng, Thaiboi SAC camp ah thuh mi kuanzen tampi an hmuh. December 19 ah CDF le CNDF nih an laak mi Matupi peng, Thaiboi SAC camp ah SAC nih vawlei ah an phum i an rak thuh mi hriam ngan kuan, bomb thei le zenthong tampi an laak tiah The Matupi Times nih a tial.Thaiboi SAC camp cu CDF-Matupi, CDF-Mindat, CNDF le CDF-Lautu nih “Operation Vui Bawk” ti mi min in an tuk i 2023 December 19 ah an laak mi a si. Camp laak kahdohnak ah SAC ralkap an zaam i hriamnam le kuanzen pawl an thuh taak mi an si tiah kan theih.
Cu camp ah cun, SAC ralhraang nih an thuh mi RPG bomb thei 40, 60 MM bomb thei 10, MA zenthong sing khat leng, motor pahnih le raal thilri tampi cu rammi rungvengtu ralkap nih an hmuh i a dang zong an kawl cuahmah tiah tualchung media The Matupi Times nih a tial.