Tonzaang Khuapi Chung Ah SAC Ralkap Le Chin Ralkap Kar Kahdohnak A Fak- Chin National Army(CNA) hruai mi Chin hriamtlai ṭangṭi phu nih an laak cang mi Tonzaang khuapi chung ah SAC nih thazaang an chap caah kahdoh thawng a dai rih lo i nizan May 22 zan zong ah an i kap rih, tiah theih a si. Nizan May 22, zan suimilam 10:30 hrawng ah kahdoh thawng theih a si rih i Tonzaang khuapi chung Khawlaikuzan sang ah inn hnih a kaang, tiah theih a si. Kahdohnak ah kaphnih in thi le hliamtuar kong theih a si lo.
![](http://teachexclusive.com/wp-content/uploads/2024/05/q-4.png)
Nizan May 22 chun ah SAC nih vanlawng in Tonzaang peng ah ralkap thazaang an chap i Tonzaang khuapi pawng ah ralzaam in a um mi cheukhat zong lam hmuhsaktu ding ah an kalpi hna i nihin May 23 zinglei ah an thlah ṭhan hna, tiah theih a si. Tonzaang peng ah kahdohnak pehzulh in kalpi a si rih caah tualchung mi a tamdeuh cu a himnak hmun kawl in an zaam i an harsa ngai cang hna, tiah theih a si.
![](http://teachexclusive.com/wp-content/uploads/2024/05/qq-1.jpg)
A luancia May 16 ni thawk in a chuak mi kahdohnak ruang ah Tonzaang khuapi le a kiangkap tualchung mi 5,000 hrawng cu a himnak hmun kawl in an zaam hna, tiah theih a si. A luancia May 21 ah Tonzaang khuapi cu Chin ralkap CNA le ṭangṭi phu nih an rak laak i meithal zuun 50 leng an laak pin ah tangka Kyats sing 3,000 hrawng zong an hi laak chih, tiah theih a si.