Tonzaang Ah Chin Ralkap Hna A Kaptu Vanlawng Mawngtu Pahnih Cu Parachute In An Zuang- Chin ralkap nih an laak cang mi Tonzaang khuapi ah SAC nih thaazang an chap caah nihin chun tiang kahdohnak faak ngai a chuak i, SAC lei nih vanlawng zong an hman, vanlawng pakhat cu a mawngtu(pilot) pahnih nih parachute in an zuantak, tiah theih a si.
Kahdohnak ah SAC lei a thi mi an tam pinah tlaih mi zong an tam. Chin ralkap lei minung 4 nih nunnak an pek i nunnak a liam mi lak ah CDF Thantlang in ralkap 3 an i tel, tiah thawng kan laaknak nih a chim. “MI35 le Jet nih a kan kah ngaingai. Jet pakhat cu a kan kah dih hnu, a kir pah ah a mawngtu pahnih cu parachute (လေထီး) in an zuang ti kan theih, Jet zong hi a tla men lai ti zumh a si,” tiah kahdohnak ah aa tel mi Chin ralkap pakhat nih a chim.