Daniel Sakhong- Kan Chin miphun nih a hmasa bik kanmah nawlngeihnak (Self-determination) kan ngeih hnu in kan thim mi Chinram Chief-minister Pu Pa Thang le Minister dang pawl khua pakhat ah khua nịh upatnak le dawtnak he an dawn lio hna hmanthlak a si. Sullam a ngei, a sungluai tuk.. Kan miphun nih miphundang kut tang si loin, zalawng tein kan thim mi hna kan hruaitu an si caah kan miphun Self-determination kan hmuh nak symbol an si. Mah caah cun, a hlei in Kan upat hna, kan dawt hna, kan dirpi hna!
Natmauk Peng Ah Hriamnam Aa Tlaih Mi SAC Khuabawi Pakhat An Fimhlawm- Magway ramṭhen, Natmauk peng ah hriamnam aa tlaih mi SAC kuttang rianṭuan Na-Hphonkone khuabawi Khin Maung Aye cu an fimhlawm i Carbine meithal le Pistol telh in ralkap hman mi thilri an laak kong People’s Defence Organization – Natmauk nih an chim. Nizan April 17, zanlei suimilam 4:10 ah Na-Hphonkone khua khuabawi le Pyusawhti hruaitu zong a si mi Khin Maung Aye cu a umnak inn pawng ah tualchung hriamtlai ṭangṭi phu nih meithal in an kah i hmunril ah a thi, tiah theih a si.
Tualchung hriamtlai ṭangṭi phu pawl cu Pyusawhti hruaitu Khin Maung Aye nih a inn pawng an phanh ah aa tlaih mi Carbine meithal in a rak kah hmasa hna hnu ah kaphnih kar kahdohnak minute 5 chung hrawng a chuak i cu hnu ah Khin Maung Aye cu an fimhlawm khawh. Tualchung hriamtlai phu lei in thi le hliam an um lo, tiah theih a si.