Pu Solomon nih CNDF cathanh chuahmi kongah achimmi hi a dik ngaingai. Cucu zeidah a si ti ahcun, nai te ah CNDF nih CNA sinah thawngtheihternak cathanh an chuah. Cathanh an chuahmi cu, Falam khuapi laknak ding kongah CNDF nih kum canceo hrawng tha tein timhlamhnak kan ngei dih cang. Cu caah CNA nih Falam khuapi laknak kongah ithlaklo dingin kanin theihter hna tiah an ti.
Mah kongah Pu Solomon nih a chimmi cu, Kanmah nih cun mizeipoh hi ralhrang tukti kan duh hna nain, atu dohthlennak tuah cuahmah lio ah mah bantuk cathanh chuah kha a phung hrimhrim a si lo. Ralhrang pawl rak i ready u tiah thawngthanh bantuk a si. Cu caah manh bantuk cathanh chuahmi hna kha zeitindah kan raldohti ding cun kan sawm ngam hna lai tiah a chim.