President Trump cu New York court nih $464.6 million liam ding tiah an timi cu thlakhat chung bakah na pek dih lai, cuti na peklo ahcun New York na innpi chuh a si lai tiah an rak ti. Nain a tu cu NY court nih bond payment $464.6 million cu an thumh piak I $175 million na pek lai. Hihi ni 10 chungah na pek hrimhrim lai tiah biakhiahnak thar an tuah piak.
Mah kongah Trump nih alunglawmhnak bia hitihin a chim, “”I greatly respect the decision of the appellate division and I will post $175 million in cash and bonds or security or whatever is necessary very quickly, within the 10 days,” . ‘Appellate division biachahnak hi ka upat tuk hringhran I bond payment $175 million hi ni 10 chungah a rannak in ka pek lai’ tiah a ti. Tutan ah NY court nih hitlukin Trump a tuahto hi Trump huat rumro khi a si ko. Thimnak a nai tuk cang fawn tikah Trump caah cun Court nih an liamtermi pek kha a tha bik. President a tlin sual ahcun cutik ah amah tazacuaitu hna hi a khin than te khawhmi a si.
Justice Arthur Engoron of the state court in Manhattan ordered nih Feb. 16, 2024 biakhiahnak a tuah ning lebang ahcun Trump nih NY khuapi ah kumthum chung company ah top role a sinak cu phih piak asi lai i a fapa le zong kumhnih chung leadership role an sinak vialte kham chih an si lai a ti. A sullam cu Trump le a fale caah NY khuapi ah sipuazi an tuah kho ti lo tinak a si. Bank tangka loan zong an cawi kho lai lo. Mah vialte acungah tuah asi ko nain, Trump nih lunglawmhnak biachim buin phaisa $175 million cu ka pek lai tiah a ti.