Nizan ah Colorado biaceihnak sangbik Supreme Court nih Trump kongah biachahnak a tuah. A timi cu, January 6, White House buainak kong he pehtlaiin Trump cu mipi thazaang petu a si caah Section 3 of the 14th Amendment ning in Donald Trump cu US President thimnak 2024 ah aa tel kho lai lo tiah an ti.
USA hi kan theih bantuk in States 50 aa funtom mi an si. 2024 thimnak ah states 49 nih Trump cu thimnak ah a lut kho lai tiah an ti lio ah Colorado state nih cun thimnak ah luhter an kham. Asullam cu an mah Colorado state lawngah asi lai tinak asi. Hi kongah Trump le aparty nih zeihmanh an chim rih lo.
State pakhat biaceihnak sangbik Supreme Court nih a chah cang mi kha fawi tein Trump nih a pah kho lai lo ti cu a fiang cang. Cu caah Colorado state ah Trump a luh khawhnak dingah cun US Supreme Court ah appeal a tuah hau hnga.