Kan theih bantuk in nizan Dec 19 ah Donald Trump cu kan state Colorado ah 2024 president thimnak a lut kho lai lo tiah Colorado biaceih zung sang bik Supreme Court nih biakhiahnak a tuah. Mah kongah Trump sihni pawl dai tein um an I tim ti lo.
TIME nih a langhter ningah cun Trump’s Attorneys nih Colorado Supreme Court cu US ram pumpi biaceihzung sang bik US Supreme Court ah appeal kan tuah lai. Colorado supreme court riantuantu hna thil tuah hi a dik mi asi lo, Democracy uknak ram I riantuan ning cang a si lo, thleidan ngeiin a tuanmi an si tiah Trump campaign spokesman Steven Cheung nih a chim.
Report nih alanghter ning ahcun Colorado Supreme court biaceihtu hna khi an dihlak in Democratic Party Governors nih rian khinh mi lawngte an si tiah a ti. Democrati Party riankhinh mi an si hna caah rampi caah khuaruat loin Party cuanh in Trump thlaknak caah khua an khan mi asi tiah a ti.