Victoria Base Happy New Year tuahnak ca’h thawngtha. USA khuasa Rev. Dr. Van Bawi Kam (Bawi Dawt Lian pa family ) nih Victoria Base ah ummi hna Happy New Yeartuahnak ca’h Sia kikong Vok sum6 tluk pa 2 le, herhbau zalhchih nakah kawlram in MMK 5,000,000 an hlut hna. Bawi Dawt Lian Family, kan chin miphun dohthlennak a tuah cuahmah mi hna ca’h, kut nan samhmi kan hmuh tikah, Bawipa nih a letzaa thluachuah inpe chin hna seh. Kan ilawm tuk. Salai Sang US Regional Committee
![](http://teachexclusive.com/wp-content/uploads/2023/12/44.png)
Mandalay Ramṭhen Peng 6 Ah Dawr Khan 800 Leng Cu Ni 15 Chung Ah Ṭhial Dingin SAC Nih An Chimh Hna. Mandalay ramṭhen, Mandalay khuapi peng 6 ah tualchung mi dawr khan 800 leng cu ni 15 chung ah ṭhial dih dingin SAC nih an chimh hna. Mandalay khuapi peng 6 ah a ummi sianginn (Basic Education School) ah a ummi dawr khan pawl cu a luancia 2007 lioah Sannandaw Company nih an rak sak i tualchung mi hna nih an rak cawk mi a si.
Kum 16 a rauh hnu ah atu bantukin SAC nih ṭhial dih dingin an chimh hna, tiah theih a si. A luancia 2023 July thla ah ralrinnak ca pek in i ṭhial dingin an rak ti cang hna hnu December 19 ah peng fimcawnnak uktu nih an auh hna i January 5 a donghnak chia in dawr khan vialte chuahtaak dingin an ti hnanak kong dawr khan ngeitu hna nih Khit Thit Media ah an chim.
Ni 15 chung ah an dihlak i ṭhial ding in an chimh hna i zaangfah nawlnak caṭial duh ahcun ni 10 chung ah sakremhnak zung ah ca va chiah i copy tu cu mah le peng fimcawnnak zung ah chia cio dingin peng fimcawnnak uktu nih a chimh hna.SAC nih dawr khan 800 leng cu i ṭhial dingin an chimh hna lio ah tangka liam ding le hmunhma thar pek ṭhan ding kong an chim hna lo i zaangfah nawlnak ca tu cu December 19-28 karah ṭial le chia dingin an chimh hna.TCP