Tulio Myanmar Star zuamnak ah aa zuammi Kawlram hlasakthiam hna cu anmak lawlaw. An thiam lawng silo, anmui zong nu he pa he an i dawh dih. Ei Myat Cho le Nway Oo hna lebang cu Myanmar Actress si hna sehlaw cu bang, an i dawh taktak. Tuzan in Top 10 zuamnak an thawk than cang. An hlasak cianak Likes, Comments pawl zohtikah Ei Myat Cho hi an uar ngaingai. Myanmar Star Winner a si kho te lai maw?…
![](http://teachexclusive.com/wp-content/uploads/2024/02/5.png)
By Ceuuk- Russia le Ukraine, Israel le Hamas an I do cuahmah, ramdang veve an si ko nain ralkap, mipi an tlaihmi hna cu thong an thlak hna. Ram khat le ram khat hmanh cubantukin an um lio ah Mah ramchung dohthlennak a tuahmi minung tlaihmi hna khi tluk lommam in tuahto cu… Vuai cikcek in an phomh an den hna an takpum thisen nih a tuam dih hnu thir cikcin in an kut ke an tem dih hna i lam lai ah saphaw hnuh in an hnuh hna, thingkung ah thingthluan bang a phei in an thlai hna, an nun buin tanglei in mei in an urh hna i an hrum ai thawng hnakhaw ah tlum lo le ngeih ngamlo tiang in…
Tihnung bik tiah ruahmi lungput a chiahru taktak mi ISIS, Al-que-da le Taliban ralhrang hmanh nih khi ti khin mi an tuahto hna lo. Mah ram minung a simi cungah dawtnak pakhatte hmanh a ngeilomi uktu ralhrang uknak hi zeitindah Chin/Laimi cheukhat nih nihin tiang kan cohlan khawh rihmi hi ruah ah Khrihfa kan sinak he aa kalh rumro.
Miphun le ram caah dohthlennak a tuahmi YDF ralkap Pho Hte, le ralkap Ta Thong hna pahnih an tuahto ning le nun buin mei an khangh lio hmuh ahcun SAC uknak a dirpitu hna hi mah unau chuakkhat an si zongah miphun khat si zongah ngaihthiam khawh ding hi cu a fawi lai lo. Chinram hriamtlai ZRA le a alliance pawl cheukhat an lungput hi Chin miphun lawng siloin tlangcung dohthlennak a tuahmi hriamtlai phu dang zong nih an cohlang ve hna lai lo.
Nihin Chinram khualipi Hakha zung riantuan thawng theih ning ah, Hakha Thantlang CDM a tuahmi vialte an thutnak rolhtu hi Tedim le Falam deuh lawngte an si ti a si. Cun, hmundang ka dangah Mara CDM tuah lomi tampi an um rih. Hakha khuami lila zongah pikpak tete in an um ve. CDM a tuahlomi hna lakah tam deuh cu dohthlennak zeiah a rel lomi an si hna. 2% hi chungkhar pawcawmnak ruahah zeiti tha tiah mitthli he zung a thumi an um ve.
Chinram dohthlennak atuahmi CNA le CDF pasaltha cheukhat cu ZRA le MDF kutin an nunnak a liam cang. ZRA cu Chinmi kan si lo an ti i SAC ralhrang Security an lak piak hna khah, an dirhmun a fiang bak. MDF le a sporters vialte nih teh ZRA bantukin Chinmi kan si lo an ti ve lai maw, (MDF le supporters hna khi cuhlan ah Chin miphun a tanh bakmi bochanmi lawngte an si). SAC hi doh loin kan duhmi tu kan hal lai timi lungput policy cu MDF nih an i tlaihmi cu a si taktak ko lai maw? Mara cu ZZLMS ah unau kan si, Hakha Thantlang he unau taktak kan sinak cu kan Lai Thuam nih achim ko khih.
Zeipoh a si ah Dohthlennak zeirel loin CDM a tuahlomi vialte le SAC ralhrang doh a duhlomi hriamtlai phu pohpoh cu mipi ralkap nun buin meikhangtu SAC ralhrang tanhtu nan si. Kan si lo nan ti len zongah a si in nan si hrimhrim ko.