Falam Khuapi Chung Ah Kahdohnak A Chuak SAC ralbawi Pakhat A Thi. Chin ramkulh Falam khuapi chung ah SAC ralhraang le CNDF kar ah nihin December 18 zinglei slm 10:00 tluk ah le zanlei slm 1:00 tluk ah kahdohnak a chuak i SAC ralbawi 1 a thi tiah theih a si.
“Nihin zinglei slm 10 tluk ah Falam khua um No.3 high school sianginn lei ah kaphnih kar kahdohnak a chuak i zanlei slm 1:00 tluk zong ah Falam khuapi Lamtonnak zong ah kahdohnak a chuak than,cu kahdohnak ah SAC ralbawi a tai ah pistol aa thlaih mi pakhat cu a lu ah an khen caah a hmun ah a thi colh,a ruak cu palek sakhaan ah an kalpi” tiah khuami pakhat nih The Rihli Voice ah a chim. A luancia November 18 lio zong ah Falam khuapi Cinmual sang kawl pura pawng ah SAC le CNDF kar ah kahdohnak a rak chuak tiah theih a si.CNB