CDF-Matupi cawlcanghnak le khuakhannak theih cu lung a hmui ngaingai. Avoithumnak Conference cu (Feb.23-24) ah an rak tuah. Hi conference ah hin CDF hriamtlai lawng si loin an pennak khua pengtlang upa tampi he tonnak an ngeih hi a si. Cu lio hnatlaknak an tuah ning bantuk tein CDF-Matupi B-,2,3,4,6 hna cu an i fonh i Brigate-2 in an dir cang timi cathanh an chuah. CDF-Matupi Brigate-2 ah an um hnu in a voikhatnak Conference cu April 11-12 an tluang tein an tuah than. Conference ah hin Brigate-2 hmunram chung uk hruainak kong le zulh ding phunglam vialte zong an suai dih cangnak kong cathanh ah an langhter chih.
Matupi myone ah khua dihlak 63 an um i cu chungah khua 43 hi Brigate-2 penmi an si. Kan theih bantukin nai te ah CDF-Matupi B1,5 cu Chin brotherhood (ZFU, MDF,CNDF, Mindat Kanpelet tlawmpal) he kan i fonh tiah an ti. Brotherhood hriamtlai hna cu AA nih a uk hna ti ko u sih.