Malaysia Ah Malsawm Khuami Ngakchia 1 Hmaikhah Pa Nih A Thah- Chin ramkulh, Hakha peng, Malsawm khuami ngakchia pakhat cu Malaysia ah Hmaikhah khuami pa 1 nih a thah, tiah theih a si. 2024, April 14 zing ah Hakha peng, Malsawm khuami Pu Biak Tha Lian le Pi Tha Tin Hnem hna i an fapa Peter Biak Ṭha Cung (kum 7) cu Malaysia ah an umnak innkhan pawng a um vemi Hmaikhah khuami pa pakhat nih a hnawng in a dih i a thi, tiah a mah he aa neihniam mi Malsawm khuami pakhat nih Lungmili Post ah a chim.
![](http://teachexclusive.com/wp-content/uploads/2024/04/Screenshot_1-4.png)
“Peter hi a nu le a upa he Malaysia ah inn hlan in um mi an si. A that tu pa hi an inn hlan nak innkhan pawng te ah inn a hlang vemi a si i Peter he hin game hna an i celh ṭi tawn. A thah dih hnu ah a upa sin ah a va kal i na nau hi aa hngilh sau ngai va zoh te hmanh tiah a chimh ta i a zaam,” tiah a chim. LMP