Hakha Khuapi Ah SAC Ralhrang Nih Mino 1 Cu Meithal In An Kah I A Nunak Liam= Chin ramkulh, Hakha khuapi ah SAC ralhrang nih mino 1 cu meithal in an kah caah a nunnak a liam, tiah theih a si. “2024, March 7, zan suimilam 10:00 hrawng ah Hakha khuachung, Pu Thawng Kian petrol dawr pawng ah Thantlang peng, Hmawngtlang khua mino 1 cu SAC ralhrang nih meithal in an kah i, a nunnak a liam. A ruak zong an char ngam rih lo” tiah tualchung mi pakhat nih Lungmili Post ah a chim.
Atu bantuk in SAC ralhrang nih an kahthah mi mino 1 cu zung rianṭuan lio mi a si, tiah theih a si. Hi kong he pehtlai in Lungmili Post nih hlathlainak kan tuah cuahmah lio a si i thawngfiang thanh khawh ṭhan kan rak i zuam lai.