Nikki Haley cu Republican presidential campaign in aa hnukdok cang. A ruang bik cu Super Tuesday election ah faktuk in a sungh ruangah a si. Nikki nih a chimmi cu, Campaign tuah ka ngol cang lai, ngol can a phan cang. Hi ka tuahmi ruangah ngaihchihnak ka ngei lo tiah a ti. Atu cu Republicans sinin Trump nih vote hmuh khawhnak dingah amah cungah aa hngat cang, cubantuk in a tuah lai zong ka zumh” tiah a chim chap.
Atu cu US president aa cuh ding minung a fiang cang. Republican in Donald Trump, Democratic in Joe Biden an si lai. Phungning tein party nominee tuah asi rih lo nain anmah pahnih lawnglawng a tang mi an si cang.”The time has now come to suspend my campaign. It is now up to Donald Trump to earn the votes of those in our party and beyond it, and I hope he does that” Haley said.
Nizan ah Trump nih Nikki cu Mihrut/ birdbrain tiah a ti. Zeiruang ah ti ahcun Nikki nih Trump cu mipuarhrang, mithalo a si, amah bantuk minung nih US president tuan hlah seh, amah nakin Biden hmanh a tha deuh tiah kan hnu zarh ah khan a rak ti. Cu ruangah Trump nih Birdbrain tiah a ti phah.