Hakha khuachung khuachia fa kan tleihchap.Bawipa bawmh nak in…2024 March 24 ni ah Police bo(2) rank a si mi Kyaw Lin Oo cu CDF-Hakha nih meithal kuan khat hmanh thlah lo tein kan tleih chap ṭhan. Ralhrang hna an cawlcangh ning, an itimh mi tete tampi zong kan vun theih khawh chap ngai. Kan tuan cuahmah rih lai, kan doh cuahmah rih hna lai caah raltei a duh mi kan miphun hawi hna poah nih cun rak kan ṭan pi ve cio uhlaw. Shiang Kung
Arakan Army(AA) Le Chin Hriamtlai Phu Unau Pawl Nih Kyindwe Khuapi Laak Ṭhan Ding Ah Kahdohnak An Kalpi Cuahmah- Chinram thlanglei Kanpetlet peng, Kyindwe khuapi laak ṭhan ding ah Rakhine ralkap AA le Chin hriamtlai phu unau pawl nih kahdohnak an kalpi cuahmah, tiah theih a si. Kyindwe khuapi kahdohnak ah cun SAC ralkap nih raltuknak vanlawng in voi 12 hrawng kahdohnak a tuah i Helicopter in voi 6 tiang ralkap thazaang an chap, tiah theih a si.
“Kyindwe khuapi kahdohnak hi thla thum tluk a rau cang nain a luancia zarh chung ceo in zapi nih theih a si, phungning tein thanh mi a um lo nain CDF-Kanpetlet nih Kyindwe khuapi laak ding ah hriamtlai phu dang aa sawm mi an um i CDF-Mindat zong nih a bawmh i kahdohnak an tuah,” tiah thawng laaknak hrampi nih an chim.
A luancia ni tlawmpal chung ah AA pawl cu Kanpetlet khuapi lei ah kahdoh bawm ding an kal lioah Matupi khuapi an rak pal i Chinmi cheukhat lungrethei ngaiin an um caah kahdoh i bawmhter ding in AA sawmnak kong he pehtlai in Kanpelet peng Station 5 le Station 7 nih an cohlan hna lonak cathanh an rak chuah.
Rakhine ralkap AA pawl cu Kyindwe khuapi ah a luancia zarh chung ah kahdoh bawm ding in motor in an kal lio ah SAC ralkap nih vanlawng in bomb an thlakhnawh hna caah motor a kangh pin ah thi le hliam zong an um, tiah theih a si.
“Kyindwe khuapi i kahdohnak ca ah a kal mi Rakhine ralkap pawl nih hmunram an pal sawh lawng a si. Cucu a hlei in Kanpetlet peng Station 5 le Station 7 nih mizapi himnak ca ah tiin an hmunram chung ah lut lo ding duhlonak an langhter mi cu SAC sin ah thawng an pek bantuk a si, cu bantuk thawng peknak ruang ah AA ralkap motor pakhat zong SAC ralkap nih vanlawng in bomb an thlakhnawhnak a si,” tiah Chin hriamtlai phu unau chungtel pakhat nih a chim. Kyindwe khuapi lei ah kahdohnak a fah caah Kyindwe khuapi ah hriamnam chap ding tiah zumh mi SAC ralkap motor 103 cu Pakokku khuapi in an chuak i Kanpetlet lei ah an kai, tiah theih a si. TCP