PDF-Zoland Nih Ralkap Tlakter Ding Ah Mino Mincazin A Latu Pawl An Tlaih Hna- Chinram, Tedim peng chung ah hrambunh mi PDF-Zoland hriamtlai phu nih hramhram in ralkap tlakter ding ah mino mincazin a latu SAC kuttang rianṭuan minung 5 an tlaih hna kong nihin March 25 ah an thanh.
Mah le mah tiin i zaangfahnak le i theihthiamnak um ti lo in SAC kuttang ah rian a ṭuan rih mi le SAC ralkap a lamkip in a bawmtu cu ahopaoh atu bantukin dan kan in tat thluahmah cang hna lai, tiah PDF-Zoland nih an langhter. SAC ralkap tlakter ding ah mino mincazin a latu minung 5 hna cu:- Kap Suan Khual ( kum 36), Khual Lian Mung (kum 55), Lian Lam Khai ( Kum 48), Sian Khan Khual (Kum 48) le Nang Suan Gin( Kum 57) hna an si. TCP