Chinram ralhrang dirhmun a derthawm taktak cang ti cu chim haulo mit nih a hmuh i hna nih a theih cang. Tedim peng ah ralhrang an tio thluahmah cang, Mindat an dih, Kanpelet le Matupi lei zong an zam thluahmah cang hna. Thantlang pengah an um ti lo, Thantlang khua ralhrang belte zubui bang an kua chungah an i thup peng caah a fiang lo.
Hakha peng chung sakhan vialte an sung dih cang. Hakha khuapi hrambunh lawnglawng an tang cang. Hakha cu Chinram khualipi a si bantuk in ralhrang hmunpi a si ve caah an hriamnam cu an tha hrimhrim lai i a tam fawn lai ti cu a fiang ko. Timit le Lungkhar, Thantlang hrawng miakpi in an kah lengmang khi 266 miakpi a si.
Cu caah Rungtlang thio khawhnak dingah meithal a si kho lo, Drone bak in phomh an hau. Atu hi ramdang Laimi nih Drone cawknak ah heh tiah an thawh thluahmah ti thawng kan theih. Bawipa nih Drone Teams zong khuaruahhar in thiamnak pe chin lengmang ko hna seh. Hakha Rungtlang a dih ahcun Chinram ah ralhrang ci a mit cang tinak a si lai.