Taingen Sakhaan Lak Kahdohnak Ah Ralkap 29 An Thi, Meithal Zuun 30 Leng An Lak. – Kalay-Hakha lam cung ah a um mi Taingen ralkap sakhaan cu January 16 zinglei ah CNA hrunak in Chin dothlennak phu pawl nih tlamtling tein an lak khawh tiah theih a si.
Sakhaan lak kahdohnak chung in ralkap hriam zuun 30 leng an lak khawh fawn tiah theih a si. Taingen sakhaan lak kahdohnak chung ah ralkap lei 29 hrawng an thi i mipi hriamtlai lei in 8 nih ram le miphun caah an nunnak an pek ve tiah theih a si.January 12 thawk in CNA, CDF CDM-Siyin, CDF-KKG, PDA, Chin Rifle, TCDF, CDF-Zaniatram, CDF-Hualngoram, CDF-Thantlang, CDF-Hakha hna bawm in Taingen sakhaan an lak khawh hi a si. TCLP