2022 thimnak ah ningcang lo phungning loin a cawlcang tiah sualpuhnak phun 13 bak court ah a rak luh pitu The District Attorney of Fulton County Ms Fani Willis cu Court biaceihtu hmai ah amah le mah mualpho taktak in aa chiah. Amah hi Trump huatu Democrats sihni pakhat a si ve. Cu caah 2024 ah Donald Trump president ka cuh than lai tiah a vun ti bak in a sualnak kawl hram a thawk.
Willis nih hin sihni pakhat lawyer Nathan Wade cu Trump sualkawltu dingah phaisa tampi pek in a hman. Trump sualphawtu/tazacuaitu Willis cu court biaceihtu hmai ah a sihni pa he an dir i Trump a sualnak kong cu pakhat hnu pakhat in a chim. Sihni pawl nih Willis le a lawyer cu bia an hal chin hna tikah anmah pahnih kar a thli tein an I duhnak nupa sualnak an tuahmi tiang an chimter dih hna.
Willis sihni pa Wade nih Willis he nupa sualnak an tuahmi le Willis nih phaisa tampi a phalhnak kong le a thli tein hotel ah an um tinak kong vialte a phuan dih. Atu cu Willis le sihni pa khuakhannak cu lih hrokhrol bantuk a si cang caah anmah pahnih cu court nih an auh than hna.
Trump sualphotnak cu anmah thongtlaknak ah a si khomi a si cang. Robin Bryant-Yeartie nih Willis kong a chimmi cu, office chung ah Willis cu Wade he an i kup, an i hnamh len cu ka hmuh hna tiah a ti ve. Willis cu a lo ko.