Lailenpi ih ralhrang sakhaan in a tlan suak tu ralhrang minung 31 cu India ramah an thleng, Chin ramkulh, Matupi peng Lailenpi ih ralhrang sakhan cu CNA le CDF pawl kom aw in an kap ih November 24 zinglam ah sakhaan an laksak thei. Lailenpi ralhrang sakhaan an laksak lai ih a tlan cu Ralbawi Captain tel in minung 31 cu November 28 ni India caan 7 am ah India-Myanmar ramri Mizoram Laki khua ih Assam Rifiles sakhaan ah an thleng tiah theih asi.
“Matupi peng ih Mala khua mi pakhat cu lamzin hmuh tu ah an hruai. Ralram ih a tlan tu SAC ralhrang pawl cu Assam Rifiles pawl in Matupi peng Mala khua tiang an hmuak, lamzin hmuh tu ih an hruai mi cu Laki khua an thlen in an thlah sal, a tlan tu ralhrang pawl cu India ram ih ukawknak lam cu an cohlang duh lo” tin tualsung mi pakhat cun asim. A tlan tu ralhrang pawl in Lailenpi ralhrang sakhaan ih an thup ta mi Pukpi 5 pawl cu hmunram thianfaihnak an tuah lai ah mipi ralkap lam in an laksak ngah tiah theih a si.The Rihli Voice