Ruahlo piin kumthar ah Japan ram cu lihnin nih a den ciammam I minung athimi theih khawh tawk ah 48 an si cang tiah report nih alanghter. Tutan Japan lihninh hi a fak ngaingai lihninh thazaang hi 7.6 magnitude a si. Lihninh afah khunnak hi rili kam deuh ah asi caang atu hi minung 100000 renglo umnak thialkam dih dingin nawlpek an si.WION
Minhla Peng Ah SAC Nih Rian An Khinhmi Pyusawhti Hruaitu Pakhat An Fimhlawm- Bago ramṭhen, Minhla peng, Gangawpin khuakomh ah SAC nih rian an khinhmi khuabawi pakhat cu tualchung hriamtlai phu nih an kah, tiah Thayarwaddy pengkomh Battalion 3802 in ṭuanvo ngei pakhat nih a chim.
SAC nih rian an khinh i khuabawi ah an thim i Pyusawhti hruatu zong a simi Maung Nyian cu Gangawpin khua le Butathaung khua kar ah tualchung hriamtlai phu Battalion 3802 nih December 31, zan suimilam 9:00 hrawng ah meithal in voi nga an kah. Tualchung hriamtlai phu nih an kahmi SAC kuttang rianṭuan khuabawi Maung Nyian cu Pyusawhti pawl nih Yangon siizungpi ah an kalpi nain chanh manh lo in siizungpi chung ah a thi, tiah Battalion 3802 in ṭuanvo ngei pakhat nih a chim.
Tualchung hriamtlai phu nih an fimhlawmmi khuabawi ṭuan pah in Pyusawhti pawl a hruaitu Maung Nyian nih mino hna cu hramhram in palik le ralkap ah luh a fial hna pin ah tualchung hriamtlai phu hna an thawngpang cu SAC ralkap sin ah a pek tawn i hriamnam i put in tualchung mi a hrem hna i fahnak a pek tawn hna ruang ah atu bantukin fimhlawm a sinak a si, tiah Battalion 3802 in ṭuanvo ngei pakhat nih chun a chim. TCP