Joshua le Bunes an ithonghnak ding kongah report nih alanghter ning ahcun Prelims hi 4:00 PM ET ah thawk a si lai a ti. 4pm ET cu India 2:30am asi i Kawlram in 3:30am hrawng a si ve lai tinak a si. Joshua hi Prelims a si caah aa thong ding mi hna match arrange an tuah ning tein a kal ko ahcun Joshua hi a match 3 nak ah a si te lai. Match khat ah round 3 a si lai i, round khat hi 5minutes a si lai. Joshua te match hi 15 minutes a si lai tinak a si.
Felipe Bunes hi Joshua nakin tlaihkhih ground game ahcun a thiam deuh ngaingai ti an langhter. Standing fight thongh, chuih tibantuk ahcun Joshua hi alet in a tha. Tutan ah hin Joshua nih biatak tein ground game ah defence a tuah khawh ngaingai a hau.
