US le UK I bawm in Hauti ralhrang an phomh hna. Nihin US Central Command nih cathanh a chuah ning ahcun Iran nih a dirkamh mi authi ralhrang nih hin Nov.19 in voi 28 hi Rili sen le Gulf of Aden ah hin tilawng tampi cu harnak an pek peng hna. Cheukhat tilawng cu an tlaih piak hna I an kah hna a ti. Jan.13, 3:45 am (Sana’a time) ah USS Carney (DDF 64) I Tomahawk Land Attack Missiles nih Houthi’s commercial vessels telh in maritime vessels hmun cu a phomh. Hi hi Jan.12 ah timhlamh ning tein tuahmi a si tiah a langhter.
Houthi hi 1980s ah Hussein Badreddin al-Houthi hruainak in dirhmi phu a si. Houthi hi tulio Yemen ram caah hnahnok taktak mi Yemen uk dih aa timmi phu an si. Aliamcia Trump president a tuan lio ah vawleicung ah Oil chuahnak sehzung nganbik pahnih Saudi-Arabia i cu missles in an rak kah. Mah an hman mi missles hna kha Iran nih a pekmi asi.
Tutan ah Houthi nih rili sen hrawng ah biatak tein tilawng a kalmi harnak an pek hna hi Hamas ralhrang dirkamh in Israel dohkalhnak caah a si tiah report nih alanghter. Israel nih Hamas doh a ngol hlan lo cawlcanghnak kan ngol ve lai lo tiah Houthi nih an chim.