Laipa Joshua Van aa thua than cang lai. Amah hrimhrim nih timeline ah fiang tein I thong than dingin hnatlaknak tuah a si cang tiah alanghter. Joshua a dironhtu ding hi Tibetan mma fighter Sumudaerji Tim Elliott a si. Ring cungah voi 22 aa thong cangmi a si I cu chungah voi 16 a Ong. Asunghnak hi tam deuh cu submission deuh lawngte in a si.
Voi 16 chungah voi 6 hi UFC ah aa thong I voithum teinak a hmu I voithum a sung. Voi 16 hi China ramah tuahmi Wu Lin Feng mma (WLF) timi ah aa thua i cu hnu ah UFC ah alut vemi asi i UFC ah voi 6 aa thong i voi 3 teinak a hmu ve.
Sumudaerji hi The Tibetan Eagle /Tibetan Mupi tibak in min bunh a si ve. Su ‘ Tibetan Eagel’ Mudaerji hi athongh/punch a hmualfak ngai ve. Voiruk mi a teinak zohtikah KO(punch) hi a tam. Kum 28 upa asi I pe 5.8’’ a sang. Tibetan pa hi kehdak hmang a si I a kick le punch a tha ngai ve mi a si nain ground games nakin standing fight a hmang deuh mi asi.
Joshua Van Bawi Thawng hi ring cungah voi 10 aa thong I voikhatte arak sung. UFC ah aa thial hnu in voikhat hmanh a sung bal rih lo. Kum 23 a si I pe 5.5” a sang. The Eagle nakin lehmah 3 in a niam deuh. Niam le san hi a biapi tuk ve ko nain cu nakin a biapi deuhmi cu fight tactic le strategy. Tutan ah Joshua nih teinak a hmu hrim lai ti zumhnak kan ngei. Joshua hi a thatnak cu zeitikhmanh ah defense in a um bal lo, a ralpa kha amah peng nih attacking atuah pengtu asi caah opponent caah tihnung ngaimi asi.
