An duh lo buh in au mi an si lo, An Nu le Pa thei loin kan fir mi zong an si lo,An mah duh tein ara
mi an si,Thlau khawh an si ti lo hnu ah zeitiawk tha tiin kan cohlangh hna, #Ra a duh mi poah kan sinah petlai khawh peng asi# Hngakchia hman an tuan khawh ahcun… Chin Laipa
SAC Vice Chairman Le A Kuttang Pawl Tonbiaruahnak An Ngeih Lio Ah Tualchung Hriamtlai Phu Nih Drone In An Kahdoh Hna– Mon ramkulh, Mawlamyine khuapi nichuah-thlanglei Division Heaquaters ah SAC Vice Chairman Soe Win le a kuttang pawl ralkap kong he pehtlai in tonbiaruahnak an ngeih lio ah tualchung hriamtlai phu nih Drone in an kahdoh hna kong PDF in ṭuanvo ngei pakhat nih a chim.
Nihin April 8, zanlei suimilam 5:10 hrawng ah Mawlamyine khuapi nichuah-thlanglei Division Heaquaters(Yah-Tah-Khah) ah Vice Senior General Soe Win le a kuttang pawl cu kahdohnak kong he pehtlai in ceihmainak an ngeih kong thawngpang a len hnu ah Alpha Bats Company pawl cu ṭangṭi phu nih humhimnak an laakpiak hna i Fixed Wing Drone hmang in SAC tonbiaruahnak a ngei mi pawl cu an kahdoh hna caah Vice Chairman le Yah-Tah-Khah Command Commander nih tonbiaruahnak donghter hngap in Headquaters an chuaktak colh, tiah theih a si.
“Zanlei sang ah Mawlamyine khuapi chung cu puahkeh thawng lawngte in a khat, Yah-Tah-Khah chung puahkeh ruang ah SAC ralkap nih vanlawng le motor in humhimnak an laak colh caah a chung thilcang mi kong fiang in hngalh a si rih lo,” tiah Alpha Bats Company in ṭuanvo ngei nih an chim.Mawlamyine khuapi nichuah-thlanglei Division Heaquaters(Yah-Tah-Khah) ah Soe Win a phan i Hpa-An Division 22 zong ah Lieutenant General Nyunt Win Swe a phanh ve caah Myawaddy, Tingannyinaung lei ah vanlawng kahdohnak tuah ding in timhlamhnak an ngei, tiah theih a si. TCP