Sagaing ramthen Kalay township ah nizan 14, zing ah mipi ralkap UG Kalay nih ralhrang caah a thli tein a cawlcang mi dalan minung 2 an tlaih hna. An tlaih mi hna hi pa pahnih kum 20 hrawng minung an si. Ralhrang nih rian an fial hna I Kalay meng 9 sehhmuh lam leiah duty dingin an kal lio ah an tlaih hna hi a si.
Mindat Peng ah SAC nih Vawlawng in Bomb a Thlak Ruang ah Kum 70 Nu Upa Pakhat a Nunnak a Liam- Nihin January 15 ah Chinram, Mindat peng ah SAC nih vanlawng in bomb a thlak caah kum 70 hrawng a si mi nu upa pakhat a nunnak a liam, tiah thawng kan theih. Mindat peng, Vomtu khua cu chunhnu sml. 2:45 hrawng ah SAC nih vanlawng in bomb a thlak i, innleng ah a um mi nu pakhat a nunnak a liam, tiah Mindat lei thawngpang a tar tawntu HKL Mindat nih a langhter.
SAC Fighter vanlawng nih voi khat kah ah bomb pahnih a chuak mi in Vomtu khua cu voi 2 a kah pin ah Machine Gun zong in pehzul in a kah chih. Atu bantuk in SAC ralkap nih Vomtu khua vanlawng in a kah hna lio ah hin Mindat peng chung ah kahdohnak a um lo, taih thawng kan theih. THP