Namhpatkar Sakhan Kahdohnak Ah KIA Nih Hriamngan Le Hriamhme Zun 300 Hrawng An Laak. Shan ramkulh chaklei, Kutkai peng Namhpatkar SAC ralkap sakhan kahdohnak ah KIA nih hriamngan le hriamhme zun 300 hrawng an laak, tiah theih a si.Namhpatkar sakhan cu KIA nih 2023 December thla chung ah an rak kah i January 24 ah Khah Lah Yah 123 sakhan le miakpi sakhan cu an rak laak.
Sakhan kahdohnak ah Howitzer zun 2, vanlawng kahnak seh meithal zun 1 KIA nih an laak mi hmanthlak rak langhter a si hnu in hriamhme an laak mi tampi zong an langhter ṭhan. Cu sakhan kahdohnak ah KIA Brigade 6 phu in ralkap 20, a dang Brigade in ralkap 8 an dihlak ralkap 28 nunnak a liam i ralkap 53 hliamhma an pu tiin KIA nih an chim mi cu 7Stars News nih a langhter.