Mara Pawmai nunu nih lungfak ngaiin bia a chimmi cu, Kan Kawlram kan thlen hlanah kanmah pumpak ruahnak lungput hi kan thlen hmasa a hau, uknak a chiami nakin kan lungput achiami hi kan thlen hmasa hau.
Nihin ah Mara kanmah le kanmah ithah nawnnak a ummi hi a ruang ka hmuhmi cu, Kan Chinram thlen hmasa loin Mara hi Independent in kan um lai, kanmah tein kan I uk lai timi lungput ruangah a si. Kan Chinram a that hmasa lo ahcun Chinram zong a tha kho lai lo, Chinram a thatlo ahcun zeitindah Mara ram hi a that khawh lai. Cu cu an theih khawhlo caah nihin ah hibantuk cawlcanghnak thah nawnnak an tuah mi hi a si ko tiah a chim.
India le base in peace talk an dirh I voithum tiang kan I tong. Anmah leiin an kan ti lengmang mi cu, CDF Mara lei policy hi zeidah a si timi hi theih le ngaih kan duh an kan ti hmasa lengmang. Kan itong hna I biaruahnak kan neih taktak tikah MDF lei nih an neihmi policy kha kalpi I kanmah CDF Mara policy kha hrawh ding an ti peng.
Peace Talk cu anmah lei he kanmah lei he zeimaw remh ding veve um dingin ti hna sehlaw CDF lei hi kan hrut dih lo caah a tha ding a si hnga. Nain cucu MDF nih an duh lo caah voithum tiang tonnak kan neih ko nain kan tlamtling kho lo tiah Ph.D sihni cawng liomi Cholai U nih a chim.
