MDF, CNDF, ZFU, Kanpelet le Mindat CDF cheukhat nih ralrin peknak cathanh an chuah than hoi. An timi cu, MDF hmunram chungah lut in drone hmang in kahdohnak nan tuah. Atu thawk in MDF hmun ram ah nan luh rih a si ahcun kanmah tangrual phu nih thil kan tuah lai ti asi (asullam cu kan in kah colh hna lai tinak asi ko).
![](http://teachexclusive.com/wp-content/uploads/2024/02/dd.jpg)
Uknak Laak Kum Thum Tlin Ni Dawr Hon Lo Ruangah Mandalay Khuapi Um Dawr Khan 90 Kharter An Si- SAC nih nawlngeihnak an laak kum thum tlin camtuak ah dawr a hong lo mi Mandalay khuapi, Maha Aungmyay peng um dawr 90 cu SAC nih thla ruk chung an kharter hna leng ah dawr khan pakhat ah kyats sing 7 liam ding in an ti hna, tiah SAC he naihniam in a um mi hna sin in theih a si.SAC kuttang Telegram Channel ah dawr khan 90 aa khar mi video cu an langhter i SAC uk duhlonak a langhtertu an si ca ah dantat dingin ti an si.
Maha Aungmyay peng dawr khan 1,000 deng a umnak hmun i dawr ngeitu tam deuh nih cun nawlngeihnak laak kum thum tlin ni February 1, 2024 ah dawr an hon lo caah SAC le sipin i bawm in chun lailing ah an luhhnawh hna i hramhram dawr in an honter hna, tiah theih a si. February 2 zinglei ah SAC ralkap pawl cu motor pahnih in khuachung dawr khan lei ah an lut ṭhan i dawr hong ding in an auhnawh hna, tiah tualchung mi hna sin in theih a si.TCP