MTC/MDF nih ralrin peknak cathanh pakhat an chuah than hoi. Mah cathanh an chuahmi chungah biapi ngaiin an langhter mi cu, CNA le CDFs nih MDF kan sakhan cu Drone hmang in Feb.1 ah a kan phomh, Feb 2 ah drone hmang thiamthiam in voi 30 leng an kan thuat rih. Zeihmanh a ruang um loin dohthlennak a tuahmi kan le kanmah kar ah phungning loin an kan doh mi hi kan khuaruah a har I kan lung a tha lo. Hibantuk cawlcanghnak hi fak piin kan doh. Cu caah hibantuk cawlcanghnak a ngeimi phu hi kanmah Mara hmun ram chungin chuak ding in thawng kan in thanh hna. Thawng kan thanhmi/ralrin peknak a zullo mi cu kan hmai a ralai mi thil buainak a um tikah kanmah MDF/MTC nih kan theih mi le aa pehtlaimi pakhat hmanh a um lai lo tiah an ti.
A fiang ko mi cu, MDF nih Mara hmun ram chungah kahdohnak tuah cu an I ready bak tinak a si. Kan theih bantuk in MDF hi AA nih a dirkamh mi an si, nizan hrawng in alliance atuahmi CNDF, ZFU, Mindat, Kanpelet he cathanh an chuah ti hna. Mah bantuk tete bochan in a raltha mi tluangkhong ngammi an si hna. Tutan cathanh an chuahmi zohtikah MDF nih zeitik can poh ah CNA le CDF-Mara siseh Hakha Thantlang chung CDFs vialte cungah kahdohnak a tuah khawh peng ti a langhter.
