Rel dih law na fiang lai- 2021 lio ah CDF Mindat cu kan rak in uar ngai hna. Hakha Thantlan lei nih kan in support fawn hna. Zei hmanh nan rak ngeih lo lio nan si a rak fah lio ah Hakha Thantlang mipi nih Vaurawng Vaurawng hmang in a nin au piak hna kan in țanpi hna i ka palh lo ah cun Dollar thong70 leng bawmhnak a nin pek hna.
Si nain a tu ah zeidah nan tuah ti ah cun Hakha Thantlang mipi bawmhnak in hriam nan i ser i a donghnak ah kan mah dohnak ah hman nan hman nan tim than. Nan lung a fim ko ah cun vawlei hmai hi nan khah awk a silo. CDF Mindat ka ti tikah cheukhat cu an lungfim mi cu Chinland Council ah Chin mi huap in kan um hau an ti ve i an um ko. Lungfim lo rul bantuk in a zer mi CNDF le Zoland mihrokhrawl komh tu pawl kha.
A tu ah ralzam le hliamtuar zei maw zat tiang HK TT lei nih zokhenh an si thiam ko bu ah an lungfim hlei lo. A tak ti ko lo cun a tu pau dothlenak a hrampi hi zawt dih ulaw chinram raldohnak hi tluk tiang hma a kal khawh hi HK TT lei phaisa thazaang thawngin si ko. Pathian tu nih kan ngaithiam seh pawrhlawt nak bia si hrim lo a hman mi te si ko.
Kan thil tuah mi hi Pathian nih a cinken dih i a philh lo timi tu kha thei ko usih. Pathian cu a ding mi Pathian a si i a dingmi lei ah a țang zungzal tu a si. Hnahchuah porhlawt nak lungthin a ngei mi a si lo.
Mi harsa caah Fundraise hi keimah le tuanpi hawi hna nih kan si khawhtawk in kan tuah tawn. Malaysia ka um lio ah a min cu ka chim lai lo. Falam peng mi pakhat Cancer in a zaw i bawmtu a ngei lo. CYO nih bawmhnak fundraise kan tuah piak i Falam peng si bak ko mi an mah Falam lei cu minung pakhat lawng nih RM 100 te a rak thawh. HK TT lei ram3 nak le Malaysia um mi i bawm in an rak thawh i RM 56000 a rak chuak i a dihlak in kan rak pek dih i a mah cu a kan liamtak cang. Cu nih zeidah a langter.
Cun Falam pa thiamthiam motor nih a pah i LCF nih a phung men in an va zoh i phaisa RM 500 an bawmh i an kal tak hoi. A ho hmah nih an bawm ti lo i kan zuan hnawh than i bawmhnak fund kan kawl piak ve i RM thong 8 hrawng si rua ka ti a chuak i a umnak ah a zaapi tein kan va pek dih. A dang zong bawmhnak fundraise kan tuah piak mi tete an tampi rih ka chim ti lai lo. Cun Malaysia ka um lio tho ah Kachin kan unau ral ruangah har nak fak taktak an rak ton lio ah bawmhnak fundraise kan rak tuah piak hna culio ah HK TT ti lo a tho mi hi an um lo. Cu lio ah Rm 15000 a rak chuak i Kachin Community sinah kan rak pek dih. Chin Yout min tein.
Cun US ka phak hnu ah hawi le he Thlanglei laitlang kan unau a simi bawmhnak kan rak tuah piak than i phaisa petu hi HK TT lawng te an si thiamthiam. A dang zong bawmhnak kan tuah piak mi hna an um len rih ka chim ti lai lo. Cu chungah a thomi cu HK TT lawng te kan si thiamthiam. Chim duh mi cu HK TT cu nun kan siang a thi ding dirhmun a phan mi mi tamtuk kan chanhchuah hna. Pathian nih a philh lai lo. Bawmhnak Fundraise hi kai telnak a tam ngai i a pemi kan zoh dih tik ah HK TT lawng te kan si peng.
Nun sian hi rum pakhat a si i thluachuah cotu zong kan si zungzal fawn lai. Falam kan unau kan ti ko hna lai. i fah sak hlah uh a hmanmi a si ko caah. Mi harsa har tong mi bawmh nan i hmaithlak bal lo caah HK TT nih kan in lonh peng ko hna lai. Cun thlang lei kan unau zong nan si ve thiamthiam. 100% cu nan si lo nain 85% cu nan si. Nan mah nih fundraise nan tuah mi zongah a pe mi nan tlawmte te peng fawn. Nun va siang law na rum lai tiah bible ah a um mi a si.
Biadongh- A tu zongah phu 5 nih CC cozah an dirh bak ah ral doh hmanh hmaithlak lo in zeitin dah CNA le CCcozah kan zuam cawh khawh hna lai timi bak an i hmaithlak i chinram ah mi hna hnok dohthlennak a der thawmter tu ah an i chuah. Cu pawl cu an dir tik ah phaisa thazaang tamtuk a herh te lai i mizaw zual bawmtu ngei lo hmanh bawmhnak a pe duh bal lo mi myone le pengtlang nih zeidah ah an ralkap le an cozah cu an thawhter an țhawn ter ning a site lai cu. ramdang lei an supporters pawl nih zeitiangdah bawmhnak an pek khawh te hna lai an țuanți kho te hnga maw timi zong ruah damh khawh tuk cia a si. Tam ka chim ti lai lo.
Ka miphun HK- TT i zuam rih tuarmal ko usih. Kan nih cu pa can dirhmun ah a dir peng ding kan si. Hnulei caan a luan cia mi vialte ah mi harsa bawmhnak i kut kan samh mi vialte khi Pathian nih zeitik hmanh ah a philh lai lo. Thil tha thil fate kan tuah mi vialte zong Bawipa nih a philh lo ti mi zong philh hlah usih. A tang rih mi kan dohthlennnak ah țangți rih hna usihlaw kuttinsih in um hram hlah usih. A theipar kan zuncuah mah nun sian cu rumnak le teinak hmu tu kan si zungzal ko lai tiah ka via ka donghter.