Khah zei kan ti hnga… Ralhraang nih ralkap tuan lo ngah lo timi phunghram an nunter cuahmah, kan hmuh kan ton cuahmah cang. Khuapi, khuate chung um kum 18 in kum 35 kan luat kho ti lai lo. Kan luat khawh lo ding kanmah ramtang ummi nakin khuachung ah a ummi mino nih nan theih deuh hrimhrim ko lai.
Myanmar ram chung ah minung a thong leeng in mino an tlaih cang hna. Hramhram in ralkap an luhter hna, meithal an tlaih ter cang hna. Na lungfim seh, an cawmtu mipi maw na thah lai dah, an cawmtu mipi na runvenlai?
Nangmah tein na lung rak i thleek, rak i ruat cikcek. CDM a tuah lomi zong rak tuah uh, na nun a nuam lai. Nangmah ca ah rian a har lo, na paw cawmnak koko cu na mipi nih an in pek lai. Mipi nih an in don zungzal, nangmah cohlan ding in an thinlung kutka kaupi an hon zungzal.
A si khawh chung in mipi ralkap sin ah rak tli colh, mipi nih an in rianh ciami kha ruat in, atu ah mipi rak rianh ve cang ko sawh. Na ca ah hmunhma tamtuk a um. Dothlennak hriamtlai hna sin na luh lo cun, na luat lo hrimhrim. A ran khawh chung in mipi ralkap sin ah rak tli uh, rak um uh, kutka kau taktak hun piak zungzal na si kha philh hlah. Salai Tluang Te