Rezua Khua Cu CNA Hruainak In Chin Hriamtlai Phu Hna Nih An Lak i An Cawlcanghnak Hmanthlak Pawl CIC Nih A Langhter. — Chin ramkulh, Matupi peng, Rezua khua ah a um mi ralkap le palek sakhaan hna cu CNA hruainak in CDF-Zotung, CDF-Zophei, CDF-Lautu, CDF-Mara, CDF-Senthang, CDF-Hakha, CDF-Matupi (Battalion-2), CDF-Thantlang, Ashio CDF le CDF-Hualngoram i bawm in November 29 ah an lak.
Sakhan an laknak le cawlcanghnak hna cu Chinland Information Center nih a langhter. Cu pinah Rezua sakhankah lio ah ralkap nih vanlawng in kahdohnak a tuah ruang ah mipi umnak inn 50 leng rawk tiah a langhter chih. Pasaltha hna hi mipi nih pangpar thi he sunglawi le hlunghlai taktak in an donnak hna hmanthlak zong hmuh khawh a si.
