Aliamcia kum 27 ah a rak thi cang mi mitcaw Baba Vanga nih Covid pulrai le Russia le Ukraine buai te lainak kong cu a rak chimchung cang mi a si. Baba Vanga nih hin vawleicung ralpi pathumnak zong hi Middle East ram in aa thawk te lai tiah a rak phuan cang. Baba a thih kum 20 renglo hnu ah a rak phuan cangmi ning tein an tling thluahmah hna.
A tu zong Iran nih Israel cu ruahlo piin a kah. Israel cu zeikhom siseh Iran hi lehrulnak tuahlo tein um ko, vawleipi a buai sual lai tiah US zong nih a thlauh nain Israel nih a can nih chim te ko seh a ti men I nizan ah Iran nuclear sernak hmunpi a kah. A tu hi Iran nih lehrulnak a tuah lai maw,,, a silo ah Israel nih a pehzulh lai maw… ti hi vawleipi thin an I domh lio can a si. Iran le Israel an daihlo ahcun Baba Vanga chimchung bia a tling khomi a si. Cucu vawleicung media lian lian nih biatak tein an phozarh lulh cio mi thawngpang a si.
Ngakchia kum 12 lawng a si in amit caw cang mi Baba Vanga nih hin Vawleicung chawleh thalnak nganbik le hmunpi bik a simi New York City ummi World Trade Centre a rawh lainak kong siseh, England siangpahrang nu Princess Diana a thih lainak kong le America cu Obama minak pa nih a hruai te lai tiin a chimchung ning bantuk tein a tling dih. Cu caah tulio vawleicung media ngan tampi nih an tial ning ahcun Baba Vanga biaphuan chimchung bia hi a tling ko cang lo maw tiah an ti.