Salai Lungthli Tum nih a tuahmi Myanmar STAR hlasak zuamnak cu Final round an phan cang. Final ah a lutmi minung 4 ah Chin nungak Nway Oo le LeLe an i tel. Nway Oo hi Mizo a si i, LeLe hi Zomi an si rua hna. An thiam ngaingai. Myanmar STAR hi Myanmar Idol nakin an thiam deuh hna. Myanmar STAR dingah Nway Oo hi a tling te men lai dah. Like petu an tam kho tuk ton.
SAC Palik Pakhat Cu Chinland Defense Force – Hakha Sin Ah Hriamnam He Aa Ap- Chinram, Hakha khuachung ah a um mi SAC palik pakhat cu hramhram in nawlngeihnak a la mi SAC ralkap rianṭuannak a duh lo caah pau dohthlennak ah i tel ve ding in hriamnam i put in Chinland Defense Force – Hakha sin ah aa ap i, CDF-Hakha nih nihin March 10 ah phungning tein an thanh.
Chinland Defense Force – Hakha sin ah hriamnam i put in aa ap mi SAC palik pakhat cu CDF-Hakha nih lunglawm tein an cohlan i tangka Kyats sing 50 an pek leng ah a himnak hmun a phak tiang ṭuanvo an laak kong CDF-Hakha nih an langhter. SAC ralkap rianṭuannak doh in mipi dohthlennak ah CDM in tel a duh mi paoh cu Chinland Defense Force – Hakha pehtlaih khawh peng kan si i a himnak nan phak tiang ṭuanvo kan in laak hna lai, tiah CDF-Hakha nih an thanh mi ah cun an langhter chih. TCP