Mizoram thimnak ah state cozah tlaimi MNF cu an tla i ZMP nih state cozah a tlaih. Mah kongah CM Pu Zoramramthanga biachim cu a tha kho tuk. Mizo ca in an tial mi copy paste a tanglei ah kan vun tuah mi hi rel ve-
Zoramthanga- Mizo Hnam Run chhung inkhawmah telin thusawina ka nei a, Party mipui inkhawm kan tam hle. MLA Inthlanna chu Pathian zarah tluang takin kan nei zo ta a, Zoram hmun hrang hranga party worker te, leh mipuite min support-naah lawmthu kan sawi a. MNF Party aṭangin MLA 10 lai Pathianin min pe hi a lawmawm hle a, hlawhtling lo zawkah ṭang mah ila, tun inthlan result hi kan ṭhatna tur zawka Pathian remruat a ni tih kan pawm a ni.
Kum tharah rilru thar nen chak zawkin tun aia tha hian kal kan tum a, insiamṭhat a ṭulnaah insiamṭhain MNF hi kan tho kang leh ngei dawn a ni. Kan sorkar chhungin thil tam tak Zoram a ṭhat theih nan development tam tak kan thawk a, Kan tlin lohna chhan hi development ṭhat loh vang leh MLA candidate neih ṭhat leh that loh nilovin, Pathianin kan tana rem a ruat a ni tih kan pawm thlap a ni.
Amaherawhchu MNF party hi Party dang ang a ni lova, Hnam thuthlung vuan tlattu leh Mizo Nationalism keng kawhtu, Pathian leh kan ram tana din kan nih angin Pathianin MNF party a sorkar leh theih nan kawng min sial sak leh ngei dawn a, kan tho kang leh ngei dawn a ni. Zoram mipuite thlawpna pawh kan dil nawn leh a. Kan party mipuite pawh tha thlah lova, kan ram leh hnam dinchhuahna tura theihtawp chhuah chhunzawm zel turin kan inchah nghal a ni. Vawiin hian MNF MLA tling tharte chawimawina hun buatsaih niin MNWF hruaitu ten lawmpuina pangpar an hlan bawk.