Thantlang Peng Salen Khua ah Biaknak i hmuh thiam lonak ruangah buainak fak ngaingai a chuak i, Inn le Lo, cycle le thliri dang tbt a rawk len tiah theih asi.Hihi buainak hi TABC le CDF hna nih kaphninh i rem khawhnak dingin biaruahnak le biaceih piak cu kan si ko nain remdaihnak le lungrual lei kan si lo i, a zualhma lei tu kan phan ko tiah laihlum khuasa hmurka in theih asi.Zan paoh ahhin Khua chungah a bubu in an Au khuang hna i lungtum le thing tan in Inn le Cycle tbt kha cheh le den asi tiah Mithmu tu nih lungmili Post ah a chim. Lungmili https://www.facebook.com/LungmiliMedia/videos/819428623317854
Hakha Khua Ah Datsi A Har Taktak Cang — Chin ramkulh, Hakha khua ah Datsi rawn awk a har ngaingai cang tiah thawng theih a si. December 10 zaanlei thawk in datsi rawn awk a dih pah cang hi a si i Hakha khuarthar lei ah a um mi Aung Aung datsi dawr le Gangaw lei kalnak lam ah a um mi ထူးသစ်ဆန်း dawr hna cu December 10 zaanlei thawk in datsi rawn khawh a si ti lo. Cun, Matupi lam, Cawbuk lei kalnak ah a um mi datsi dawr pawl zong cheukhat cu an khar cang hna i datsi a ngahnak hi dawr 2/3 lawng a um cang tiah theih a si.
December 11 zinglei ah datsi, 92 hi gallon 1 ah 20,000MMK in cawk a si i 95 hi 25,000MMK in cawk a si.
“Cawbuk lei kalnak datsi dawr pawl cu December 11 zinglei in i tlar cio a si. Minung pakhat nih gallon 1 cio hrawng in an cheuhnak hna dawr a um bantuk in pung aihre in aa cawk len mi zong an um. Datsi a rawng mi kan tam caah minung 1 nih tampi cawk lo in i cheubauh cio ah a ṭha hnga, cheukhat cu khualtlawng le khualei a kir duh mi an um caah an zawn kan ruah pah hna a herh” tiah Hakha khuami pakhat nih The Chinland Post ah a chim. Atu bantuk in Datsi a dih thluahmah nak a ruang hi Kalay-Hakha lam ah a pih bantuk in Mandalay-Gangaw-Hakha lam zong a pih caah a si i zei can dik lam a pih rih lai cu theih a si lo tiah Hakha khuami hna sin in thawng theih a si. TCLP